00:00:00 IGIHE NETWORK KN KINYARWANDA EN ENGLISH FR FRANCAIS

Abaturarwanda basaga miliyoni ebyiri bamaze gukingirwa COVID-19 mu buryo bwuzuye

Yanditswe na IGIHE
Kuya 1 Ugushyingo 2021 saa 10:58
Yasuwe :
0 0

Nyuma y’aho u Rwanda rutangiye gukingira Covid-19 muri Werurwe 2021, abaturarwanda barenga miliyoni ebyiri bamaze guhabwa dose zombi z’urukingo.

Raporo Ngarukamunsi ya Minisiteri y’Ubuzima yo kuri uyu wa Mbere, tariki ya 1 Ugushyingo 2021, yerekanye ko abaturarwanda 2.032.065 bamaze gukingirwa COVID-19 mu buryo bwuzuye nyuma yo guhabwa dose ebyiri z’urukingo.

Iyi raporo igaragaza ko 2.032.065 bakingiwe nyuma y’uko ku wa 1 Ugushyingo 2021, abahawe dose ya kabiri y’urukingo rwa Covid-19 ari 41.960 mu gihe abafashe iya mbere ari 75.415 byatumye umubare wabo ugera kuri 3.884.463.

U Rwanda rukomeje gukingira umubare munini w’abaturage barwo ndetse rwatangiye gukora ubushakashatsi bushobora gusiga hatanzwe urukingo rwa gatatu rwa COVID-19 no gukingira abari munsi y’imyaka 18.

Minisante kandi yatangaje ko kuri uyu munsi, abantu 29 banduye COVID-19 mu bipimo 8.346 mu gihe nta winjijwe mu bitaro. Umurwayi umwe ni we urembye.

Igabanuka ry’abarwayi ba COVID-19 ni ryo ryatumye Ibitaro bya Nyarugenge byavurirwagamo abanduye iki cyorezo bifungwa, bikongera gutanga izindi serivisi z’ubuvuzi mu gihe Ibitaro bya Kanyinya ari byo bizajya bivurirwamo COVID-19 ku rwego rw’igihugu.

Mu masaha 24 ashize, umugabo umwe w’imyaka 73 wo mu Karere ka Gicumbi yahitanywe n’icyorezo cya COVID-19.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .