00:00:00 IGIHE NETWORK KN KINYARWANDA EN ENGLISH FR FRANCAIS

Umuntu umwe yishwe na COVID-19, abayanduye biyongeraho 43 mu Rwanda

Yanditswe na IGIHE
Kuya 26 Ukwakira 2021 saa 10:56
Yasuwe :
0 0

Minisiteri y’Ubuzima yatangaje ko umuntu umwe yahitanywe na COVID-19 bituma umubare w’abamaze kwicwa n’iki cyorezo ugera ku 1.321, abacyanduye biyongereyeho 43 mu gihe umwe ari we wakize anasezererwa mu bitaro.

Kuri uyu wa Kabiri, tariki ya 26 Ukwakira 2021, uwishwe na COVID-19 iterwa n’agakoko ka Coronavirus ni umugore w’imyaka 36 wo mu Karere ka Karongi.

Abantu 43 basanganywe COVID-19 bakuwe mu bipimo 8.801 byafashwe mu masaha 24 yashize.

Kugeza kuri uyu munsi, abarwayi bane ni bo barembye, mu gihe umwe ari we winjijwe mu bitaro kugira ngo ajye kwitabwaho by’umwihariko.

Mu Rwanda hamaze gukingirwa abantu 1.914.734, bakingiwe byuzuye ndetse barimo 102.977 bahawe dose ya kabiri uyu munsi mu gihe 3.712.692 bamaze guhabwa dose ya mbere y’urukingo rwa COVID-19, barimo na 42.598 bayihawe mu masaha 24 ashize.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .